|
Íslenska bleikjan vekur hrifningu í Frakklandi
Samherji hf. tók á dögunum þátt í hinni gríðarstóru matvælasýningu Sirha í Lyon í Frakklandi þar sem kynntar voru afurðir félagsins. Viðtökur voru framar vonum hjá hinum fjölmörgu gestum sem m.a. fengu að bragða á lystilega framreiddu fersku íslensku fiskmeti.
Samherji var með sýningarbás þar sem afurðir félagsins voru kynntar en Sirha er vörusýning á öllu er viðkemur hótel- og veitingarekstri og er matur þar lang fyrirferðamestur.
Að sögn Birgis Össurarsonar sölu- og markaðstjóra Samherja, gekk sýningin vonum framar. Mjög mikill fjöldi fólks sótti hana þá 5 daga sem sýningin stóð.
Einar Geirsson meistarakokkur og eigandi veitingastaðarins RUB 23 á Akureyri, eldaði afurðir Samherja og gaf gestum og gangandi að bragða við mikla hrifningu.
Birgir segir að þátttaka í sýningu sem þessari hjálpi mikið til við markaðssetningu sjávarafurða en að þessu sinni var lögð áhersla á eldisafurðir Samherja, bleikju, lúðu og sandhverfu.
Samherji
|
